მომხმარებელთან ურთიერთობის / სავაჭრო პოლიტიკისა და საგარანტიო პირობები

ჩვენს შოურუმსა და ვებ-გვერდზე წარმოდგენილ პროდუქციაზე ვრცელდება „მომხმარებლის უფლებების დაცვის შესახებ“ საქართველოს კანონით გათვალისწინებული 2 წლიანი კანონისმიერი გარანტია, გარდა გამონაკლისი შემთხვევებისა. ქვემოთ მოცემულ ტექსტში, რომელიც წარმოადგენს ორიგინალი დოკუმენტის ადაპტირებულ ვერსიას, შეგიძლიათ გაეცნოთ თქვენთვის საჭირო ინფორმაციას.

ძირითადი დებულებები და რა უნდა იცოდეთ

• ქარხნული წუნი ეწოდება პროდუქციის საწარმოო დეფექტს/დაზიანებას, რომელიც მწარმოებლის მიერ არის დაშვებული;
• საგარანტიო ვალდებულებები არ ვრცელდება ბუნებრივი ცვეთით, არასწორი ექსპლუატაციით ან მექანიკური დაზიანებით გამოწვეულ დაზიანებაზე;
• პროდუქციის მიღების დროს მომხმარებელმა, მიტანის სერვისის თანამშრომლების თანდასწრებით, უნდა გადაამოწმოს მისი ვიზუალური მდგომარეობა და მექანიზმების გამართულობა;
• ნებისმიერი ტიპის დეფექტის აღმოჩენის შემთხვევაში, მომხმარებელი უნდა დაუკავშირდეს კომპანიას და დეტალურად აუხსნას არსებული პრობლემა;
• შოურუმსა და ვებ-გვერდზე არსებული პროდუქციის ფასი მოიცავს საქართველოს მასშტაბით ნივთის ტრანსპორტირების, მიწოდების და მონტაჟის ხარჯს სრულად. გამონაკლისია, თუ მიტანის სერვისის თანამშრომლებისთვის უზრუნველყოფილი არ იქნება ლიფტით ან სხვა ამწე მექანიზმით სარგებლობა: მე-2 სართულის ჩათვლით ატანის ხარჯი გათვალისწინებულია პროდუქტის ფასში, მე-2 სართულის ზემოთ კი თითოეულ სართულზე დაემატება 30 ლარი ერთეულზე.

საგარანტიო პირობები

• საგარანტიო ვადის ათვლა იწყება პროდუქციის მომხმარებლისთვის მფლობელობაში გადაცემის მომენტიდან;
• გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაზიანების რისკი;
• პროდუქციის მომხმარებლისთვის გაგზავნის შემთხვევაში პროდუქციის შემთხვევით დაზიანების ან გაფუჭების რისკი გადადის მომხმარებელზე;
• თითოეული პროდუქტი გამოყენებულ უნდა იქნეს იმ პირობების შესაბამისად, რომელიც მწარმოებლის მიერ არის გათვალისწინებული ინსტრუქციაში;
• რომკლასიკში შეძენილი პროდუქცია უკან არ ბრუნდება;
• ხელშეკრულების გაუქმების შემთხვევაში მომხმარებელს ეკისრება კომპენსაცია შეძენილი ნივთის ღირებულების 30%-მდე ოდენობით.

საგარანტიო ვალდებულებების შესრულების პირობები

• პროდუქციის დეფექტის გამოვლენისთანავე, მომხმარებელი ვალდებულია დაუყოვნებლივ მოგვმართოს მისი აღმოფხვრის მიზნით.
• რომკლასიკს საგარანტიო ვალდებულებები ეკისრება მხოლოდ იმ შემთხვევაში, თუ მომხმარებელი იცავდა საგარანტიო ვალდებულებებს და პროდუქციას წარადგენს პირადობის დამადასტურებელ დოკუმენტსა და გადახდის ქვითართან ერთად.
• რომკლასიკის საგარანტიო ვალდებულება გულისხმობს პროდუქციის შეკეთებას/შეცვლას/ჩანაცვლებას და მონტაჟს/დემონტაჟს.
• ვიდრე დადგინდება, პროდუქციის მიმართ არსებული დაზიანება წარმოადგენს თუ არა ქარხნულ წუნს, მომხმარებელმა უნდა გადაიხადოს მომსახურების ღირებულება — 100 ლარი. ნივთზე დაზიანების ქარხნულ წუნად/დეფექტად შეფასების შემთხვევაში, ზიანის აღმოფხვრასთან ერთად, მყიდველს დაუბრუნდება გადახდილი 100 ლარი.
• საგარანტიო პერიოდის განმავლობაში წუნდებული პროდუქციის შეკეთების/შეცვლის/ჩანაცვლების ან თანხის დაბრუნების ვადა ინდივიდუალურია და განისაზღვრება წინასწარ.
• იმ შემთხვევაში, თუ დაზიანება არ შეფასდება ქარხნულ წუნად და მომხმარებელს სურს, რომ აღმოიფხვრას ზიანი (თუ აღნიშნული შესაძლებელია), მან დამატებით უნდა გადაიხადოს ზიანის გამოსწორების სერვისისათვის გაწეული საფასური, რომლის შესახებაც დეტალურად იქნება ინფორმირებული.
• იმ შემთხვევაში, თუ პროდუქცია საგარანტიო პერიოდში შეიცვლება ახლით, პროდუქციის საგარანტიო ვადა დარჩება უცვლელი.
• პროდუქციის მიმართ არაქარხნული წუნით (საგარანტიო პერიოდში) გამოწვეული პირდაპირი ან არაპირდაპირი ფინანსური დანახარჯები, რომლებიც მომხმარებელს მიადგება, რომკლასიკის მიერ არ ანაზღაურდება.
• იმ შემთხვევაში, თუკი დადგინდება, რომ დაზიანებული პროდუქცია არ ექვემდებარება აღდგენას/შეკეთებას და საჭიროა მისი შეცვლა/ჩანაცვლება, ჩვენს მიერ პროდუქცია შეიცვლება/ჩანაცვლდება იმავე მწარმოებლის პროდუქციით ან იმავე მონაცემების მქონე სხვა მწარმოებლის პროდუქციით. თუ ახალი პროდუქციის ღირებულება აღემატება კლიენტის მიერ გადახდილ თანხას, მაშინ მომხმარებელი ვალდებულია გადაიხადოს სხვაობა.

საგარანტიო ვალდებულებების შეუსრულებლობის პირობები

რომკლასიკი თავისუფლდება საგარანტიო ვალდებულებებისგან შემდეგ შემთხვევებში:

• თუ პროდუქცია მომხმარებელმა გამოიყენა არასწორი დანიშნულებით ან მწარმოებლის მიერ ნივთზე განსაზღვრული ინსტრუქციის პირობების დარღვევით;
• თუ პროდუქციაზე განთავსებულია შეუსაბამო აქსესუარი ან მომხმარებლის მიერ გამოყენებულია დამატებითი აღჭურვილობა;
• თუ პროდუქციის დაზიანება გამოწვეულია მომხმარებლის განზრახული და გაუფრთხილებელი მოპყრობით ან შეუსაბამო გამოყენებით, მათ შორის არასწორი ექსპლუატაციით, რაც არ შეიძლება ჩაითვალოს საწარმოო დეფექტად;
• თუ პროდუქციას აღენიშნება გარეგანი, აშკარა ან ფარული მექანიკური დაზიანება ზემოქმედების შედეგად;
• თუ პროდუქციის მდგომარეობა არსებითად განსხვავდება ნივთის მიწოდების დღისთვის არსებული მდგომარეობისგან (მაგალითად, პროდუქციას აღენიშნება ბზარები, ნაკაწრები, ჩამონატეხები და სხვა);
• თუ პროდუქციაზე მოხვედრილია სხვადასხვა სახის ნივთიერებები, სითხეები ან უცხო სხეულები;
• თუ მომხმარებელმა თავისი ინიციატივით უზრუნველყო პროდუქციის გარემონტება/რესტავრაცია ან/და შეუცვალა იერსახე/ფორმა;
• თუ პროდუქციის დაზიანება ან/და გაუმართაობა გამოწვეულია მომხმარებლის მიერ არასწორი ტრანსპორტირების, გადაადგილების ან შენახვის შედეგად;
• საგარანტიო პირობები არ ვრცელდება ისეთ დეტალ(ებ)ზე, რომელიც განიცდის ბუნებრივ ცვეთას; აქსესუარ(ებ)ზე, რომელიც ექვემდებარება შეცვლას; ტექნიკურ/სარესტავრაციო მომსახურებაზე (მაგ.: გაწმენდა, გარეცხვა და ა.შ.).

საგარანტიო შემთხვევაზე კომპანიის მიერ რეაგირების ვადები

რომკლასიკი შესაბამის რეაგირებას ახორციელებს შემდეგი ვადების გათვალისწინებით:

1. თბილისი — გამოძახებიდან 5 სამუშაო დღე;
2. აღმოსავლეთ საქართველო — გამოძახებიდან არაუგვიანეს 7 სამუშაო დღე;
3. დასავლეთ საქართველო — გამოძახებიდან არაუგვიანეს 14 სამუშაო დღე.

ავეჯის მოვლის ზოგადი ინსტრუქცია

არ განათავსოთ ავეჯი:

• მზის პირდაპირ სხივებზე;
• გამათბობელ მოწყობილობებთან ახლოს;
• ნესტიან ადგილზე.

ავეჯის გადაადგილებისას ჯერ დააშორეთ იატაკს და შემდეგ შეუცვალეთ ადგილი.

ავეჯი საიმედოდ უნდა იყოს დაცული:

• ცხელი ნივთის დადებისგან;
• ქიმიური ხსნარებისგან;
• ნესტისგან, ჭუჭყისგან, ძლიერი დარტყმისგან;
• მძიმე საგნებთან ზემოქმედებისგან და სიმაღლიდან ვარდნისგან.

ავეჯის მოვლის რეკომენდაციები

• მტვრის მოსაშორებლად და ბზინვარების შესანარჩუნებლად, ქსოვილი რეგულარულად უნდა გაიწმინდოს ავეჯის მტვერსასრუტით ან რბილი ფუნჯით.
• ახალი, ცხიმის ან სველი ლაქები შორდება შემდეგნაირად: დაადეთ კარგად დანამული პირსახოცი → დაამუშავეთ დაბინძურებული ადგილი ცოტაოდენი წყლით და თხევადი საპნით → მოიცადეთ 2-3 წუთი → წრიული მოძრაობებით მოაშორეთ ლაქა ღრუბლით ან რბილი ფუნჯით → გააშრეთ ნესტიანი ზედაპირი ფრთხილად, შესაბამისი მიმართულებით.

ტყავის ავეჯზე ნუ გამოიყენებთ:

• ქიმიურ გამხსნელებს;
• აბრაზიულ პასტებს/ფხვნილებს.

ტყავის ავეჯის გაწმენდის ინსტრუქცია:

• გაწმინდეთ ავეჯი წრიული მოძრაობებით. ჭუჭყის მოსაშორებლად გამოიყენეთ წყლით დასველებული რბილი ფლანელის ქსოვილი. თუ დაბინძურება ძალიან ძლიერია, გამოიყენეთ ნეიტრალური საპნის რბილი ხსნარი.
• ხახუნი და მკვეთრი მოძრაობები აზიანებს ტყავის ავეჯს. წელიწადში ორჯერ ტყავის ავეჯის ზედაპირი უნდა დამუშავდეს უშუალოდ ტყავის ავეჯისთვის განკუთვნილი სპეციალური პროდუქტით, რომლის შეძენაც შესაძლებელია სუპერმარკეტში.
• მასიური ხის და ბუნებრივი საფარით დაფარული ზედაპირების მოვლა მიზანშეწონილია მშრალი, რბილი ქსოვილით. ასევე, შეგიძლიათ გამოიყენოთ მტვერსასრუტი, რომელიც აღჭურვილია რბილი ფუნჯით.

ავეჯის გამოყენების წესები და რეკომენდაციები

• რეკომენდებულია, რომ ჰაერის ტემპერატურა ოთახში იყოს +10°C-დან +28°C-მდე, ფარდობითი ტენიანობით 40-65%;
• მაქსიმალური დატვირთვა სავარძელზე: 90-125 კგ; რასტერულ მექანიზმებზე: 20-30 კგ; საძილე ნაწილზე: 90-125 კგ; თეთრეულის ყუთის ძირზე: 15 კგ;
• არ გამოიყენოთ სავარძელი და საწოლი ხტუნვისა და სხვა ფიზიკური ვარჯიშებისთვის;
• არ დადგეთ ფეხებით სავარძლის სახელურების და ზურგის რბილ ელემენტებზე;
• არ შეიძლება ავეჯის ზედაპირზე წერტილოვანი დატვირთვა;
• არ დააყენოთ სკამი ორ ფეხზე და არ გადაწიოთ ზურგი ჯდომის დროს.

მატრასების მოვლა

• სასურველია, რომ ყოველ 3-6 თვეში მატრასი გადაატრიალოთ — ეს ხელს შეგიწყობთ მატრასისთვის სწორი ფორმის შენარჩუნებაში და მის ხანგრძლივად გამოყენებაში;
• მოერიდეთ მატრასზე ხტუნვას, დავარდნას — ამან შეიძლება გამოიწვიოს მისი დეფორმაცია;
• მოერიდეთ მატრასზე ჭუჭყისა და სითხეების მოხვედრას და გამოიყენეთ დამცავი ფენები ლაქებისგან თავის ასარიდებლად;
• შეამოწმეთ, რომ მატრასი სწორად იდოს საწოლის ჩარჩოში, სწორი მიმართულებით. წინააღმდეგ შემთხვევაში, არასწორი დებისგან მატრასი 2-3 თვის ინტერვალში დაზიანდება.

ტრანსფორმირების მექანიზმის გამოყენების ინსტრუქცია

• დარწმუნდით, რომ მექანიზმის დასაკეც ნაწილებში არ არის უცხო საგნები;
• მექანიზმის მუშაობის დროს ჭრაჭუნის ხმის გამოცემა არ არის დეფექტი და ადვილად აღმოიფხვრება ნაწილების შეზეთვით;
• დაუშვებელია მკვეთრი გადახრა ან ძალის დატანებით გახსნა, რათა თავიდან აიცილოთ მექანიზმის კომპონენტების დეფორმაცია. მექანიზმი უნდა გაიხსნას ფრთხილად და თანმიმდევრობით;
• ავეჯის ექსპლუატაციის დროს პერიოდულად უნდა გამაგრდეს შეერთების ადგილები.

რომკლასიკი გისურვებთ ბედნიერებას!